தமிழும் தமிழ்நாடும் - ஒரு நகை முரண்

 

’தமிழ் பேச்சு எங்கள் மூச்சு’

காணொளி வாயிலாய் 

பாரெங்கும் பரவுகிறது

தொலைக்காட்சி நிகழ்ச்சி ஒன்று.

’நேருக்கு நேர்’ நின்று பேசுகிறார் இளைஞர்

‘மெல்லத்தமிழினி சாகுமா சாகாதா’

என்றவர் வைக்கிறார் வாதங்கள்.

நிகழ்ச்சிக்கு அனுசரணை வழங்குகிறது

‘தி சென்னை சில்க்’

புகழ் பூத்த பேச்சாளர் மேடையில் வீற்றிருக்க

திரையில் விழுகிறது 

அக்கறைக்குப் பதிலாய் அக்கரை என்றொரு வார்த்தை.

அக்கரையில் தான் தமிழினி வாழுமோ?

வலைத்தளப் போராளி கொள்கிறார் ஆவேசம்!

23.05.23.